Kakus !

Pagi begini enaknya sarapan nasi uduknye mpok Limeh diseberang mushollah Al Falah, mushollah sedari aye belon lahir udah ngejogrog dipojokan jalan haji Salim. Belon juga nyampe, dikejauhan bang Ghani cicitnye kong haji Salim ngaru-ngaruin, tereak kenceng banget manngil aye.

“Romli, kemari lu, sarapan!”

Aye jalan santai aje, selon :”Iye bang, aye emang mau sarapan disitu! bales aye juga sambil tereak.

“Kabar gimana Rom, eh Mpok bikinin sepiring nih buat Romli! Mpok Limeh yang lagi kerepotan ngelayanin pembeli cuman ngangguk doangan.

“Bae bang, lah abang kendiri pegimane? aye tanya balik.

“Elu liat aje, sehat wal afiat gue, alhamdulillah, cuman ati gue yang rada ngedregdeg!”

“Emang nape, tuh tanda jantungnye kagak bae, udeh perikse ke dokter Wahab? aye nyerocos dah.

Bang Ghani emang usianye udah kepala lime, udah ampir maghrib. Tapi perawakannya keker, keliatannya sih sehat aje. Die satu-satunye cicit kong haji Salim yang jadi Ustadz, sodare-sodarenye kebanyakan jadi saudagar, wirausahawan dah bahasa kerennya. Bang Ghani jebolan Unversitas al Azhar Mesir, pemikirannya modern, terbuka dan wawasannya luas. Jadi kagak heran punya temen banyak dari kalangan intelekteual. Biar begitu, tetep aje merakyat, pemilu kemaren masyarakat ngusulin die untuk jadi anggota dewan. Bang Ghani nolak karena ingin fokus ngabangun pendidikan di karang Tengah Lebak Bulus. Die bilang di karang tengah emang banyak sekolah tapi mahal-mahal. Ade al Izhar yang tau kendiri dah berape karung duit untuk masup sekolah sekelas Al Izhar, Ade juga  sekolah tahfidz Azhari Islamic School, mahal juga. Yah ade juga sih sekolah pemerentah yang gratis, tapi bisa dibayangin 40 siswa diladenin ame satu guru.

“Rom, gimane pandangan elu soal ribut-ribut di gubernuran?”

“Ribut yang mane bang, pan banyak banget ributnya tuh?

“Gue sih kagak mau ngomongin ribut anggarannye, Rom. Tapi soal omongan gubernur kite yang di kompas tipi, itu juga cuma baru contoh, mungkin masing bejibun lagi” jelas bang Ghani. aye sih ngangguk kepale aje, soalnye aye kagak nonton entu dialog yang katenye bahasa kakus keluar dari cangkemnya gubernur.

“Nah entu die bang yang aye seselin, bang! Kenape juge kata-kata barang di kakus kudu keluar dari mulut gubernur yang sangat terhormat. Pan kagak ade dua gubernur, pemimpin cuman satu! Setiap kelakuan dan ucapan pemimpin menjadi cermin buat masyarakatnye. Kalo pemimpin aje udah terang-terangan dengan entengnya ngucapin kata-kata kotor, pegimane masyarakatnye?”

Bang Ghani kagak nyangka aye nyerocos kayak begitu. Die bengong tapi ade kekaguman (cie geer dah!).

“Iye rom, gue sependapat sama elu. Semestinye kelakuan dan ucapan seorang pemimpin sekelas gubernur kudu dijaga. Efek  negatif yang ditimbulkan akan sangat berbahaya (wah kayaknya lebay dah klo anak zaman sekarang bilang, bang). Kenape gue bilang berbahaya, Rom? Sebab ini akan ditiru ame masyarakat, lah gubernurnya aje bilang begitu kagak ngape-ngape, kenape elu yang sewot!. Begitu nanti klo kita nasehatin”

Iye juga yah. Aye aje nih di sekolah lagi ngerem anak-anak ngomong penghuni ragunan.Usaha untuk mengerem agar anak-anak kagak ngomong an*****, ba**, mon***** setiap kali ngobrol, becanda atau marah susahnye minta ampun. nah sekarang ditambah contoh dari pemimpin yang ngomong bangsanya kakus. Pendidikan berkarakter yang didengung-dengungin pemerentah lewat kemendikbud menjadi sia-sia kalo kondisinya begini. Ujung-ujungnya nanti yang disalahin guru lagi sebab kagak becus ngedidik murid-muridnya.

Tapi aye sih yakin masih banyak contoh yang bae yang bisa diteladani. Dan, sebagai bahan renungan juga buat gubernur Jakarta untuk menahan diri untuk ngomong atawe komentar dengan diselipin kata-kata kotor dan kagak senonoh. Peace!!!

2 thoughts on “Kakus !

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s